Falta diren finalak jokatuta, Udaberri Sariak banatuko dituzte asteburu honetan. Lau jaialditan emango zaio bukaera txapelketari; gaur izango dira horiek Aginagan, Mutrikun, Olaberrian, baita Astigarragan ere.
Hiru final, Txomiñenean
Arratsaldeko 17:00etatik aurrera, hiru final jokatuko dituzte Foru Plazako Txomiñenea frontoian, eskuz binaka, denak.
Aurreneko partidua kadeteetako 2. mailakoen artean izango da; Eibar (Azkargorta-Camina) eta Gazteleku (Beloki-Lanzeta) arituko dira aurrez aurre.
Bigarrenean jokatuko dute Mundarroko jubenil 2. mailakoek; Larrañaga eta Urdangarinek, Alde Zaharreko De la Torre eta Atxaren kontra lehiatuko dira.
Eta bukatzeko, 2. mailako nagusien txanda izango da; Tolosa 2k (Zalakain-Esnaola) eta Intxurre 3k (Zubeldia-Alberdi) jokatuko dute azkeneko txapela, Astigarragako frontoian.