Errepideko denboraldian bete-betean murgilduta daude Astigarragako maila guztietako txirrindulariak. Duela aste batzuk hasi zuten ibilbidea maila altuenetan daudenek, eta pasa den asteburuan alebin eta infantilen txanda izan zen.
Errenterian, aurrenekoa
Larunbatean izan zuten errepideko aurreneko zita gaztetxoenek, Errenterian. Alebin mailan, 46 txirrindularik hartu zuten parte, tartean bost astigartarrek;?Zumaiena ikastolako Asier Aizpurua izan zen garaile, eta beranduago iritsi ziren astigartarrak: Aimar Capdequi 15garren, Beñat Auzmendi 17garren, Unai Hernandez 29garren, Danel Chapartegi 31garren eta Ekhi Rabanedo 40garren.
Infantil mailan, aldiz, 40 izan ziren, eta lau herritar zeuden haien artean: Tasio Semperena (7garren), Aimar Olasagasti (14garren) eta Eneko Olveira (17garren).
Goierriko Itzulian, 23 azpikoak
Egun berean izan zuten zita 23 urte azpiko txirrindulariek, kasu honetan, Urretxuko Goierriko Itzuliarekin. Lasterketa gorabeheratsua izan zen, eta geldituarazi behar izan zuten, helmugatik 29 kilometrora erorketa jendetsua izan zelako.
Proba bearrabiarazita, txirrindulariak hoztu egin zirela nabaria zen. Dena den, Urretxuko helmugara bidean, sprintean abiarazteko gogoa ez zuten falta!
Goierriko TB Caja Laboraleko Mikel Paredes izan zen azkarrena, eta astigartarrak atzerago iritsi ziren: Urko Semperena 7garren izan zen, eta Xabier Mikel Azparren, aldiz, 42garren.
Geldialdia egin behar izan zuten igandean ere. Junior mailakoen txanda izan zen orduan, Azpeitian. Ibilbideko hasierako kotxea ibilbidez nahasteagatik gelditu behar izan zuten.
157 txirrindularik hartu zuten parte, eta Astigarragatik, bertan izan ziren AMPOko Enekoitz Azparren, Bazpiko Jaime Romero eta Donosti Berriko Telmo Semperena, besteak beste. Enekoitz Azparren faborito gisa atera zen, eta protagonistetako bat izan zen. Baina hirugarren izatea lortu zuen.
Izan ere, Altzarteko igoeran aurrea hartu zuen Sakana Groupeko Igor Arrieta, eta hark jaso zuen sari potoloena.
Igoera ederra egin zuen, baita ere, Jaime Romerok eta 11garren iritsi zen. Telmo Semperena, aldiz, 40garren izan zen.
Zita bikoitza, juniorrek
Asteburu honetan ere, denek izango dute zer jokatua. Alebin eta infantilak Hernanin izango dira gaur, eta Elite mailakoak eta 23 azpikoak, aldiz, Aiztondo Klasika izango dute bihar, Alkizan. Junior mailakoek zita bikoitza izango dute: gaur, Igorlako igoera?Bergaran; eta bihar, Altsasuko Udaberri Sarian.