Aurreko asteburuan ospatu zuten irekiera festa Gaztelekuan, ikasturte berriari hasiera emateko asmotan. Hori dela eta, datozen asteburuak indartsu eta ekintzez beteta datoz.
Sukaldaritza tailerra, gaur
Gaur, sukaldaritza tailerraz gozatzeko aukera paregabea eskaintzen du Gaztelekuak. Hainbat tresna erabiliz, errezeta berriak ikasteko eguna da, gaurkoa.
Bihar berriz, mugimenduz beteriko eguna izango da, Slackline egongo baita, bakoitzaren oreka hobetzeko eta noski, ondo pasatzeko. Igandea modu orekatu batean amaitzeko ekintza, hain zuzen.
Lasaiago, bukaera
Datorren larunbatean kirola egiteko asmoz, frontenisa antolatu dute Gaztelekukoek, txapelketa txikiak eta lagunartekoak egiteko asmotan. Eta igandean, Birus Txapelketan, energiak gastatuko dituzte gazteek eta asteburua agurtuko dute.
Hileko azken asteburuan, hau da, hilaren 28an, paintball egingo da, larunbatean, eta igandean, berriz, ekintza lasaiago bat antolatu dute, eskulan tailerra, hilabetea era lasai batean amaitzeko.