egun osoko festa izan ohi da Santiomendin, auzoko jaiak ospatzeko, eta halaxe egingo dute gaur ere.
Goizean sendo esnatzeko, diana egongo da goizeko 10:00etan, eta jarraian, auzotarrek egindako sagardo eta tortila lehiaketaz gozatzeko aukera izango da, 11:00etan hasita.
Eguerdiko 12:00etan zaldi demarekin gozatu ederra hartuko dute auzotarrek, eta jarraian bazkari herrikoia egingo dute Larrarte sagardotegian.
Digestioa egiteko denbora nahikoa egongo da, arratsaldeko 18:00etan hasiko baitira herri kirolak.
Oraingo honetan, desafioa egingo dute, segan eta aizkoran. Lau partaidek hartuko dute parte: Iban Pardo (Euskal Herriko txapelduna), Suharri Irazustabarrena, Suharri Rodriguez, Paolla eta Jokin Basozabalek, hain zuzen.
Bukatzeko, afari herrikoi batekin agurtuko dituzte Santiomendiko jaiak.
Ermitan izango da festa, bihar
Hala ere, Santiomendin jarraituko du jai-giroak bihar ere. Orduan, San Roke izango da protagonista nagusia, eta ermitaren ingurua, festaren lekuko.
Goizeko 11:00etako mezarekin hasiko dira ekintzak, bertan. Ondoren, eguerdiko 12:00etan dantzatuko dute Astigar dantza taldeko dantzariek, atarian.
Imanol Ituño magoaren ikuskizuna izango da, segidan. Bazkariaren ondoren, Alaiki taldeak jarriko du dantzan auzoa.