Pasa den ostegunean Astigarragako Laboral Kutxan lapurtu zuen gizona ez du Ertzaintzak oraindik atxilotu, nahiz eta bila jarraitu. Lapurra aurrezki kutxak Joseba Barandiaran plazan duen egoitzan sartu zen laban batekin eta 2.000 euroko botina eraman zuen, hori bai horietatik 1.500 pertsekuzioan lurrera bota zituen eta 500 eurorekin ihes egitea lortu zuen.
Goizeko 08:30ak inguruan, ostegunean, gertatu zen lapurreta. Lekukoen esanetan gizonak kaputxa bat zuen buruan. «Gure aurretik pasa da burua estalita, baina ez dugu susmorik hartu lapurreta egingo zuenik. Gero konturatu gara pertsekuzioan zebiltzala ikusi dugunean» zioen bizilagun batek.
Entitatera sartuta laban bat atera zuen eta langileei mostradorean zegoen dirua emateko exijitu zien. Lapurrak 2.000 euroko botina bereganatu zuen.
Behin diruarekin lapurrak ihes egin zuen oinez. Lekukoen esanetan aurrezki kutxako langile batek jarraitu zuen. Lapurrak herriko erdiguneko kaleak zeharkatu zituen eta estutua sentitu zenean botinaren zati bat jaurti zuen lurrera. «Diru paperak airean bota eta ihesean jarraitu du» adierazi zuen bizilagun batek.
1.500 euro bota zituen lapurrak lurrera ihesaldian eta 500 eurorekin lortu zuen ihes egitea.
Badirudi lapurrak 1.500 euro bota zituela lurrera eta 500 eurorekin alde egin zuen. Erdigunetik lasterkaldi batzuk eta gero Murgia inguruetan galdu zen lapurraren pista.
Kaputxa eta sudadera
Ertzaintzak bilaketa lanak hasi zituen eta oraindik ere ez dute lapurra atzeman. Bilaketa lanetan ere aritu dira Udaltzainak. Lapurrak erabilitako sudadera aurkitu dute eta poltsiko batean erabili zuen kaputxa. Aurrezki kutxako kamarak begiratu dituzte».