ADECCo Fundazioak familia plana deituriko programa abiarazi du, Cidetec Fundazioaren eta Astigarragako Udalaren laguntzarekin. Ezgaitasuna baloratuta daukaten pertsonen autonomia, integrazio eta enplegugarritasuna indartu nahi dute, programa honen bitartez.
«Astigarragakoa bazara, 16 eta 64 urte bitarte badituzu, %33ko ezgaitasuna eduki eta langabezian bazaude, aukera paregabea da», adierazi dute programaren sustatzaileek.
Urtebetez, lan merkatuan integratzeko baliagarriak izango diren hainbat eta hainbat baliabide desberdin jasotzeko aukera ematen du, programa honek. Era berean, adierazi dute, behar sozialak ere erantzungo direla. Lan merkatuan integratzeko aukerak nabarmenduko dira.
Abuztuaren 5era arte, izena emateko aukera
Izena emateko, oraindik badago aukera, azken eguna abuztuaren 5a baita. Interesa duen orok, webgunean bertan bete dezake eskaera inprimakia: fundacionadecco.org/astigarraga.
Informazio gehiago, Astigarragako Udaleko Gizartze Zerbitzuen sailaren bitartez eskuratu daiteke.