Igande honetan erabakiko dute herritarrek nork osatuko duen hurrengo udal korporazioa; horren aurretik, azkeneko Plenoa izango dute egungo udal ordezkariek. Ez-ohiko deialdian, gaur bilduko da Astigarragako osoko bilkura, eguerdiko 14:00etan hasita, udaletxeko areto nagusian.
Hamaika gai
Denera, hamaika gai izango dituzte mahai-gainean, azken aldiz aztertzeko. Ohi bezala, aurreko Plenoaren akta onartuko dute, hasteko. Eta ondoren, landuko dituzte: Astigarraga Lantzen eta Sagardunen kontuak, Urumea Berriko ibai-parkea, Bidegirekin hitzarmena, Foru Aldundiarekin hitzarmena, eta hainbat kontratazio-espediente.