Ilarraren azoka berezia bihar ospatuko da

Baratze elkarteak Uda­laren babesarekin antolatzen du­en Ilar Eguna deitzen den as­teak zortzigarren edizioa bete­tzen du aste honetan. 

Ilar egun haundia, berriz, bihar izango da, eta besteak beste, Luis Irizar eskolako su­kal­dariek egindako ilar pin­txo­ak dastatu ahal izango di­ra. Joseba Barandiaran Plazan izaten da azoka berezi honen erdigunea. 11:00etan emango zaio hasiera eta 14:00ak arte egongo da zabalik. 

Bertako ilarrak, barazkiak eta Euskal Herriko produktuak egongo dira eskura eta Hazia eta landarea tailerra eta to­mate landareen banaketa an­tolatu dira. Argazki saio irekia Idoia Lizeaga dise­na­tzaile eta Alfredo Pastainek argaz­ki­la­riak gidatuko dute. 

VIII. ILAR EGUNA

GAUR

 11:00etan: Astigarragako baratzetara bisita gidatua:  11:00etatik aurrera Udaletxeko Kontzejupean.

BIHAR

09:30etan: Txirriskla txistularien diana berezia.

11:00-14:00:  Joseba Barandiaran enparantzan Ilarra azoka berezia: Astiga­rragako ilarrak/barazkiak eta Euskal Herriko produktuak (artisau ogia, txerrikiak, pastak, gazta, e.a) eta Hazia eta landarea tailerra eta tomate landareen banaketa Marc Badal-en eskutik Haziera (Cristina Enea Fundazioko hazien artxiboa)

Argazki saio irekia Egun bateko andrea eta ilarra jauna (Idoia Lizeaga lore arte disenatzailea eta Alfredo Pastain argazkilariaren eskutik).