San isidro eguna asteazkenean ospatu zen Astigarraga eta Zamalbiden ekitaldi desberdinekin. Asteburu honetan jaiek jarraipena izango dute bai Zamalbiden, baita Astigarragako Bentetan ere. Egitaraua, gainera, zabala izango da.
Gaur hasiko dira ekitaldiak haur eta gazteen egunarekin. Jolasak, bazkaria ipuinak, mus txapelketa karaokea, txokolatada, afaria.... denetarik egongo da.
Bihar berriz jubilatuen eguna da eta meza, bertsolariak, pala txapelketak, bazkaria eta herri kirolak egongo dira. Herri kirol jaialdi indartsua antolatu da, 18:00etan hasita, Emarri taldeko neskekin eta Euskal Pentatloiarekin, Astigarragako Bentetako probalekuan.
SAN ISIDRO JAIAK ZAMALBIDE-BENTAK AUZOAN
GAUR, HAUR ETA GAZTEEN EGUNA
10:30-13:00: Haur jolasak eta puzgarriak, Perurenako frontoian.
13:00: Haur bazkaria Auzolan Elkartean.
15:00: Pello Añorga ipuin kontalaria eta tailerrak Perurenako frontoiko lokalean.
16:00: Mus txapelketa Auzolan Elkartean.
17:00: Karaokea lokalean.
18:00: Txokolatada.
20:30: Afari herrikoia. Musikarekin girotua, Auzolan Elkartean 25 euroren truke.
BIHAR, JUBILATUEN EGUNA
12:00: Herri-meza. Ondoren, salda eta bertsolariak eliz atarian: Sebastian Lizaso, Adrian Arruti eta Xamoa.
12:30: Auzoko 4garren Pala Txapelketako finala Perurenako,
frontoian.
14:00: Jubilatuen omenaldiko bazkaria, musika eta bertsolariekin girotua, Auzolan elkartean.
18:00: Herri kirol desafioa. Pentatloi saioa: Xabier Ariztegi Santxin, Beñat Amade, Iñaki Errazkin, Jagoba Otaegi, Joseba Otaegi, Luis Txapartegi, eta Unai Ardeo Zaldua. Emarri taldea 600 kiloko harriarekin marka jartzen saiatuko da. Bertsolariak ere arituko dira. Doan.