Aurreko Udal Hauteskundeetan bezala, Jacobo Caparros Ruiperez izango da PPren alkategaia, Astigarragako Udalerako. Nabarmendu du, hiru kolektibo jakinek kezkatzen dutela: 45 urtetik gorako langabetuek, adinekoek, eta herriko komertzioaren zailtasunek.
Azkeneko legegintzaldietan, ez duzue ordezkaririk izan Astigarragako Udalean. Zer espero duzue, datozen hauteskundeetan?
Udal guztietan aurkezten du zerrenda PPk, eta ordezkaritza izateko borrokatzen du, jakin arren nolako zailtasuna daukan horrek, Astigarraga bezalako udalerrietan. Gustatuko litzaiguke presente egotea datorren legealdian; aurrerapauso bat izango litzateke, zentzu guztietan.
Ordezkaritza lortuz gero, prest zaudete beste alderdietakoren batekin negoziatu eta akordioak egiteko?
Bai noski, presente gauden instituzioetan egin izan dugun eta egiten dugun moduan.
Zein helburu eta erronka ditu PPk, Astigarragarentzat?
Gainerako udalerrietan bezala, badira hiru kolektibo, bereziki kezkatzen gaituztenak: 45 urtetik gorako langabetuak, adinekoak, eta herriko komertzioa eta aurrera egiteko dauzkan zailtasunak.
«Bere landa errealitatearen eta azken urteetako hiri garapenaren artean, elkarbizitza hobetu behar duen udalerri bat da Astigarraga»
Nola ikusten duzu Astigarraga? Zertan hobetu beharko luke?
Bere landa errealitatearen eta azken urteetako hiri garapenaren artean, elkarbizitza hobetu behar duen udalerri bat da. Hori bai, uste dugu sagardotegi turismoa zabalduz, pagotxa aurkitu duela.
Biztanleriaren hazkundeak, behar berriak sortu ditu, eta zerbitzuak aldaketa horietara egokitzeko eskaerak, herritarren aldetik. Zein ikuspegi daukazu, gaiaren inguruan? Zertan egin behar da lan?
Astigarragak espazio komun gehiago behar ditu, eta zerbitzu sozialek ase ditzatela herritarrak; horretarako ordaintzen baitituzte zergak, eta diru hori bueltan jaso behar dute, zerbitzu gisa. Bestalde, uste dugu oso garrantzitsua dela adineko pertsonek ez jasatea ziurgabetasuna, jakin gabe laguntza publikoa jasoko duten ala ez, behar dutenean.
Hondakinen bilketa sistema izan zen, aurreko hauteskundeak markatu zituen gaia. Uste duzu mahai gainean egongo dela berriro? Nola ikusten duzu gaia?
Hondakinen bilketa bai, mahai gainean egongo da berriro. Izan ere, PIGRUGen foru arau berrian, erronka bezala markatu dugu birziklapenean aurrera egitea, Europako mailetan, %60tik gora. Eta horrek eskatuko ditu programa berriak, bilketa selektiborako eta gizartea kontzientziatzeko.
«Astigarragak espazio komun gehiago behar ditu, eta zerbitzu sozialek ase ditzatelak herritarrak; horretarako ordaintzen baitituzte zergak»
Nola eragingo dio Astigarragari, 27 Poligonoko trafikoa bideratzeko proiektuak? Zer egin behar da?
Ulertzen dugu, proiektu bat dela non teknikariek hartutako erabakiekin fidatu behar dugun; eta konfiantza izan, Oiarbide diputatuak esan zuen moduan, kontutan hartu direla izango dituen eraginak, eta entzun direla eragin horien jasango dituztenen iritziak, hasierako ibilbidea egokituz.
Hori bai, txirriatu egiten digu, beti bezala EAJk itxarotea horrelako proiektuak aurkeztu eta martxan jartzeko, hauteskundeak iritsi arte.
Zein izango da PPren politika, euskeraren inguruan? Azkeneko ikerketen arabera, bere erabilerak behera egin du. Zer egingo zenukete horren inguruan?
PPk ez du sekula trabarik jarriko, euskeraren erabilerarako, eta euskera sustatzeko politiketarako. Are gehiago, babestu egingo ditugu, baina ez dugu onartuko, euskera erabiltzea diskriminatzeko tresna gisa.
Txotx denboraldia, oraindik ere, interes gatazkaren iturri da. Zenbait neurri hartu dira legegintzaldi honetan. Zer egin daiteke, konponbidea emateko?
Inplikatuta dauden aldeak entzun, eta akordioetara iristen saiatu. Ari gara hitz egiten uztartzeaz jarduera ekonomiko bat, bizilagunen artean eragiten dituen eragozpenekin. Egiten dena egiten dela, zaila izango da guztiak poztuko dituen irtenbide bat aurkitzea. Ostalaritzako ordutegiak zehaztea garrantzitsua da, toki guztietan egiten den bezala; eta hemen ere egin beharko litzateke.
Zer iritzi daukazu, Udalean ordezkaritza gehien duten bi taldeen arteko krispazioaren inguruan? Zer egin daiteke, elkarbizitza hobetzeko?
Bizilagunengan pentsatu beharrean, elkarri trastoak botatzen dizkiote, eztabaida antzuekin liskarretan sartuz; eta orain, haien konfiantza eskatzen diete bizilagunei, berriro bozkatu ditzaten? Barregarria da.
Bizilagunek berriro bozkatzen badiete, behintzat, badakite zer daukaten zain. Eta ez badute liskarrik nahi, jarri dezatela konfiantza gugan, eta bozkatu dezatela Gipuzkoako PP; zentzu pixka bat jarriko dugu, guzti honetan.
Titularrak
1. Jacobo Caparros Ruiperez
2. Julio Gutierrez Figueroa
3. Francisco Javier Menendez Abuerne
4. Maria Montserrat Reguera Garcia
5. Teresa Isabel Peña Cuesta
6. Enrique Acacio Jimenez Gomez
7. Julio Sanchez Rondan
8. Francisca Martin De Blas Fernandez-Marcote
9. Isidro Garrido Bermejo
10. Filomena Bermejo Garrido
11. Jose Sanchez Madrid
12. Maria Concepcion Mellado Cirujano
13. Maria Teresa Rodriguez-Pomatta Moya
Ordezkoak
1. Juana Valencia Paniagua