Urumeako Kronika

Kronika logotipoa

Osteguna2019ko maiatzak 23

Astigarraga

2019/05/13, astelehena

Udaberriaren festa Sagardoetxean, datorren larunbatean

"Udaberri giroan" jaialdia antolatu dute, 17:00etan hasita, Sagardoetxeko sagastian.

Festa berezia egingo dute aurten ere, Sagardoetxeko sagastian, udaberrian. Datorren la­runbatean izango da Udaberri giroan jaialdia, arratsaldeko 17:00etan hasita, sagarrondoen loraldia ospatzeko.

Horrela, antzerkia, musika eta dantza uztartuko dituen emanaldi batekin hasiko dute festa: Black & White ikuskizuna eskainiko dute Astigarra­ga­ko antzerki eskolako, Asti­gar dantza taldeko eta Nor­berto Almandoz musika eskolako ikasleek.

Ondoren, bost musika talderen kontzertuak izango di­ra: Ttakun, 7 terdik, Kazka­ba­rra, Deblauki eta Eira.

Gainera, bitartean, bitxigintza tailerra ere egongo da, loreekin bitxiak egiten ikasteko, Idoia Lizeagaren eskutik. Parte hartzeko, izena eman behar da: 943 55 05 75 edota info@sagardoarenlurraldea.eus. Eta familientzako, beste tailer bat ere izango da, Baratz elkar­tearen eskutik: sagastiko la­nak egiteko aukera izango dute.

Festa borobiltzeko, piknika egingo dute, bakoitzak etxe­tik eramandakoarekin.