XABIER Urdangarin Lasa alkategaia aukeratuta, Astigarragako EH Bildu lanean aritu da lagunduko dioen ekipoa osatzen. Dagoeneko proposamena landu da eta orain zerrendako kide bakoitzari dagokion botoa emateko unea da.
Proposatzen den ekipoak aurpegi berri asko eta ezagunak izango ditu. «Taldekideak Astigarragak duen erronkari aurre egiteko gaitasuna soberan dute eta gogo handiz datoz».
Botoa emateko aukera elkarrekin.ehbildu.eus atarian izena eman duten guztiek izango dute. Oraindik izena emateko epea zabalik dago eta beraz, inskribatuz gero zerrendari botoa emateko aukera dago.
Astigarragako Udalaren jardunean ardura izango duen ekipoari babes zabala emateko, EH Bilduk izen ematera eta botoa ematera animatzen ditu EH Bildurekin bat egiten duten astigartar guztiei bihar arte.