UGT sindikatuko arduradunek pasa den asteartean erregistratu zituzten paroak, A1 eta A2 autobus zerbitzuak egiten dituen Hijos de Antonio Areizaga S.A. (HASA) enpresan. Horrela, Hernani, Astigarraga, Martutene eta Donostia lotzen dituzten zerbitzuetan eragina izango dute paro horiek martxoaren 23 eta 30 eta apirilaren 6, 13 eta 20an, 12:30etatik 14:30etara, 19:30etatik 21:30etara eta 23:30etatik 06:30etara. «Enpresak Buruntzaldeko Lurraldebus lineatako kontzesioa 2018 eta 2019rako lan hitzarmenak ez negoziatzeko aitzakia gisa erabiltzearen kontra» egin nahi dute, horrela, langileek.
Dena den, enpresak dio ez duela erregistratutako paroen berririk, oraingoz.