Urumeako Kronika

Kronika logotipoa

Larunbata2019ko maiatzak 25

Arano
Pala txapelketa

2018/06/16, larunbata

Txapelketa azkarra aurten, palaz

Uztailaren 14an izanen da, eta ekainaren 29ra arte eman ahal izanen da izena.

Ohikoa izaten da Aranon, data hauetan zehar pala txapelketa burutzea. Aurten ere eginen dutela adierazi dute antola­tzaileek, baina formatua aldatuko dute.

Hain zuzen, Pala Txapelketa Azkarra eginen dute oraingo honetan, baina egun bakar batean jokatuko dute. Uztaila­ren 14an izanen dela adierazi dute. Nahiz eta formatua aldatu, aurrekoen jarraipena izanen da; hortaz, 16garren edizioa izanen da hau.

Bi kategoriatan jokatuko dute, emakumezkoak eta gizonezkoak; partidu guztiak teniseko pilotarekin izanen dira.

Bi kategoriatan, teniseko pilotarekin
Aurreko urteetan bezalaxe, bi kategoriatan jokatuko dute herriko palistek: emakuzmekoena, alde batetik; eta gizonezkoena, bestetik. Biek teniseko pilotarekin jokatuko dute.

Izenematea, ekainaren 29ra arte
Dagoeneko ireki dute izena ema­teko epea, eta ekainaren 29ra arte apuntatu ahal izanen da. Horretarako, 659 084 257 zenbakira deitu beharko da, eta izena emateko datuak eman: izen-abizenak eta kontaktu bat.