Mendialdeko Gizarte Zerbitzuen Mankomunitateak ireki du epea, 2019-2010 ikasturteari dagozkion diru-laguntzak eskatzeko. Lau beka emanen ditu, Arano, Goizueta, Areso eta Leitzako Haur eta Lehen Hezkuntzako ikasleak laguntzeko.
Lau beka
«Egoera ekonomiko ahulean dauden familiei laguntza eskaintzeko helburua» du deialdiak. Lau beka emanen dira jangelako kostuak, irteerak, eskolaz kanpoko ekintzak edota Guraso Elkarteko kuota ordaintzeko.
Eskaerak egiteko epea irailaren 19an bukatuko da. Gizarte Zerbitzuetan egin behar dira, aurretik hitzordua eskatuta, 948 51 08 40 telefonoan. Eskaera egiterakoan, diru-sarreren ziurtagiria eta azken errenta aitorpena aurkeztu behar dira.