Erakusketa jarri berri du Amagoia Olazabal artista hondarribitarrak Aranon. Pasa den asteartean inauguratu zuen, eta ekainaren 14ra bitarte egonen da ikusgai, Kontsejupe tabernan. Tabernaren ohiko ordutegian ikusi ahal izanen dira haren lanak. Horiek erosi ahal izanen dira, baita ere, erakusketa bertan dagoen bitartean.
Zeramikaz egindako 20 lan, Kontsejun
Kontsejuk berak antolatuta, zeramika lanak dira Olazabalek ikusgai jarri dituenak. Hain justu, 20 lan biltzen dituen kolekzio berezia aurkeztu du.
Lan hauetan, ipuinetakoak diruditen paisaiak islatzen dira, kolore apalekin tintatutako eszenatoki goxoak.
Azaldu dutenez, «apaingarriak dira pieza guztiak eta horietako asko erabilgarriak ere. Pitxarrak, posabasoak, giltzentzako euskarriak edo kutxa originalak».