Artoa zuritzea bezalako lanak hobeto, edo, behinik behin, errazago egiten dira kantari. Ondotxo dakite hori Arantza, Ainhoa eta Maider Ansa ahizpa aranoarrek eta haien ama Maria Jesus Zugarramurdik. Gaur, 19:00etan Ereñotzuko?Auzo Etxean egingo dute, hain zuzen, Artantxuriketan saioa.
Baserriko sukaldean artoa zuritzen aritzen zirenean bezala, familia eta auzokoekin bilduta arratsalde pasa nola aritzen ziren antzeztuko dute lauek, kontu eta kantu artean.
Atsolorra, apirilaren 7an
Irekia izango da gaurko saioa, eta datorrenerako giroa berotzeko antolatu du Olak Auzo Elkarteak. Orduan, Atsolorra egingo da, azken urtean jaiotako ereñotzuarrei ongietorria egiteko.