Joan den astelehenean argitaratu zen Nafarroako Aldizkari Ofizialean, 2019rako Udal Aurrekontua eta plantilla organikoa onartu dituela Aranoko Udalak; eta egun horretatik hasita, 15 egun balioduneko epea dago, erreklamazioak edo alegazioak aurkezteko, udaletxean; apirilaren 1era arte, alegia.
Jendaurrean ikusgai daude, udaletxean bertan, herritarren eta interesatuen eskura. Epea igarota erreklamaziorik aurkeztuko ez balitz, behin betiko onartuta geratuko dira biak.
Urtarrilaren 31n egin zuen ohiko Plenoa Aranoko Udalak, eta bertan onartu zituen Udal Aurrekontua, plantilla organikoa eta langilegoaren zerrenda, eta baita alkateak izanen duen ordainsaria eta dedikazioa ere, 2019 urtean.