Urumeako Kronika

Kronika logotipoa

Osteguna2019ko maiatzak 23

Arano
Inauteriak

2019/03/02, larunbata

Giro eta eguraldi ezin hobean igaro dira inauteriak

Txikienak superheroiz jantzi ziren eta Arano Cityko kaleak zaindu zituzten inauterietan.
Txikienak superheroiz jantzi ziren eta Arano Cityko kaleak zaindu zituzten inauterietan.

Adin guztietako aranoarrak mugiarazi ditu inauteriak eta puxka biltzea, musika, mozorroak eta jan edana ez ziren falta izan.

Bailarako beste herrietatik baino lehenago pasa dira Karnabalak Aranotik. Pasa den larunbatean ospatu zituzten, hori bai, eguraldi ezin hobearekin, aurreko urtean ez bezala. Santiotako eguraldiaren antzekotasun gehiago izan zuen zeruak eta tenperaturak, otsaileko festa batekin baino. Festa giroa eguraldiaren pare egon zen.

Goizean goiz abiatu ziren puxka biltzen Surotik,  Izer eta Ala­bierrek lagunduta. Eta ondoren, elkarrekin egin zuten bazkaria Maisuenean. Mahai­aren bueltan berreskuratu zituzten indarrak zomo­rroek. Arra­tsal­dean, berriz, zahagi dantza eta desfile ederra izan ziren; txikienek desfilatu zuten Maisu­e­nean, Superheroiz jan­tzita, helduek lagunduta. Bertan ziren; Hulk, Son Goku, Superman edo Spi­der­man, besteak beste.

Eta desfilearen ondoren, herri afariarekin borobilduko zuten festa Orkes­triña Band Jazpanarekin dantzan. 

Gazteek, berriz, zahagi dantzan parte hartu eta gero mokadutsoa jan zuten indarberritzeko.
Guraso, ume, trikitilari, gazte... denek gozatu zuten musika eta jan edanarekin..