Astigarragako Udalak brigadan lan egiteko pertsona bat kontratatuko du igeltsero lanetarako. Lanpostua lanaldi osokoa izango da eta bost hilabeteko iraupena izango du, 2023ko abendutik 2024ko maiatzera. Beterri-Buruntzako 2023ko enplegu planaren baitan, Astigarragako enplegu proiektua da, herriko langabetuak lan merkatuan txertatzeko helburua duena. Ekimena Lanbideko Tokiko Enplegu Ekintza programak diruz lagundua da.
Izena emateko epea azaroaren 24ra bitartekoa da. Inskripzioa Lanbideren webgunean egin beharko da, Enplegua atalean. Informazio gehiago: 943 50 57 00 telefono zenbakian edota tokigarapena@astigarraga.eus helbide elektronikoan eskuratu daiteke.