Kolpea eman zuen atzo Hernanik, mailari eusteko lehian, eta ondo baino hobeto erakutsi zuen bizi-bizirik jarraitzen duela. Partidu haundia jokatu, eta 35-15 nagusitu zitzaion Vigori. Garaipena eta bonusa, biak ekarri zituen Anoetatik. Duela aste batzuk ia aukerarik gabe baziruditen, hirukoloreek hiru puntu eskasera dauzkate galiziarrak orain, eta lau puntura Getxo. Partidu bat gutxiago jokatu dute, gainera.
Bikain hasi zen Hernani, eta berehala lortu zuen aurreneko entsegua Orbegozok. Azkar erantzun zuen Vigok, beste entsegu batekin, eta berdinduta joan zen partidua. Baina atsedenaldiaren aurretik, bi entsegu gehiago lortu zituen Hernanik, eta hortik aurrera, aurkaririk ez zuen izan.