Euskal Herri osoko txistulariak elkartuko dira asteburuan, Hernaniko XII. Txistulari Jaialdian. Gaztetxoen txapelketa eta topaketa ere egingo dira.
Larunbatean, 11:00etan hasita, txistulari bakarlarien txapelketa egingo da Milagrosan; tartean, hernaniarrak direla.
Igandean, berriz, kaleak girotuko dituzte txistu hotsekin Txistularien Topaketan. 10:00 etan elkartuko dira, udaletxeko arkupeetan. 10:15etan dianak egongo dira, hiru-lau taldetan, herrian barrena. 11:00etan hamaiketakoa, Santa Barbara elkartean. Ondoren, 12:30etan, Ttun-ttuna egongo da plazan. Kalejirak eta dantza doinuak kaleak alaituko dituzte bazkaria baino lehen. Horretarako Iparragire sagardotegian elkartuko dira 14:00etan.
Jazkera zaindu behar da alkandora-blusa zuriak eta galtza ilunak eramanez. Zamarra edo jertseak iluna izan behar du. Gizonezkoek txapel beltza eduki behar dute eta emakumeek, nahi badute, ere bai. Hamaiketakoa antolatzaileek jarriko dute.