Sei bikote elkartu ziren pasa den asteburuan Umore Ona elkartean, Euskal Herriko Mus Txapelketaren barruan, Goizuetako kanporaketa jokatzeko.
Parte hartutakoen aurrean, bakarrak egin du aurrera: Portoloko aita-semeak, Juanito eta Iban Eskudero aita-semeak izan ziren txapeldunak, eta haiek jokatuko dute Nafarroako finala, otsailaren 23an. Bigarren, Itsaso eta Ekaitz izan ziren.
Finala, hilaren 23an
Martxoaren 16an jokatuko den Euskal Herriko finalerako sailkatzeko, Nafarroakoa gainditu beharko dute goizuetarrek. Hori otsailaren 23an jokatuko da, 08:30etan hasita, Iruñeako Alde Zaharreko Arrano elkartean.
Gosaritarako aukera izanen da bertan, 07:45etan, eta izena eman daiteke 667 536 382 telefonora deituta, 15 eurotan. Aukeran daude ajoarrieroa, albondigak, txahal muturrak eta kalloak edo plater konbinatua.