Goizuetako bi bikote izanen dira Nafarroako finalean

2018/05/27

Mendizabal, Eskudero, Goizueta eta Apezetxea, sariekin.
albistea//GOIZUETA EUSKAL HERRIKO MUS TXAPELKETA

Goizuetako bi bikote izanen dira Nafarroako finalean
Otsailaren 24an jokatuko da finala. Herrian Iban Eskudero eta Alain Goizueta izan ziren garaile.
GOIZUETA

2018/02/10 00:00 Larunbata
Lehengo larunbatean jokatu ziren Goizuetan, Euskal Herriko Mus Txapelketaren barruan, aurreneko kanporaketak.
Giro ederrean aritu ziren hainbat muslari, eta maila ederrean. Baina irabazlea bikote bakarra izaten da, eta aurtengoan, Iban Eskuderok eta Alain Goizuetak lortu zuten puntu gehien. Bigarren geratu ziren Aitor Mendizabal eta Juan Apezetxea.

Nafarroakoa, hilaren bukaeran
Behin Goizuetan jokatuta, Nafarroako kanporaketara joanen dira orain aurreneko bi bikoteak. Otsailaren 24an jokatuko dira zazpi lurraldeetako kanporaketak, eta Nafarroakoa Iruñean, Alde Zaharreko Arrano elkartean izanen da, goizeko 08:30etatik aurrera.
Final haundia, berriz, Lapurdin izanen da, Uztaritzen, datorren martxoaren 10ean.
ARGAZKIAK
- Txiokatu Whatsapp Emaila Inprimitu