2019/01/18
  • JASOTA BEZALA
  • Xabier Etxarri Balerdi
  • ASTIGARRAGA
    2017/04/29 00:00 Larunbata
  • Agur Astigarraga

  • Hiru urte izan dira zuekin egin ditugunak, zuekin elkarlanean, hondakinak sailkatuz, gu­re ondorengoentzako etorkizun hobe baten alde.
    Ez zen xamurra izan lanean hasi ginenekoa; batzuk egundokoak esan zituzten atez atekoaren kontra, gezurra izan zen nagusi, eta herriko giroa erabat gaiztotua zegoen. Hala eta guztiz ere, ilusioz ekin genion lanari, berebiziko ilusioz eta umiltasunez. Esan bezala, lehenengo hilabeteak zailak izan baziren ere, herritarrak hurbiltasunetik tratatu genituen, azalpenak ematen genizkien atez atekoaren abantailak azalduz, nola egin behar zen esanez, hau, hura edo bestea zein kubotan sartu behar zen erakutsiz, gaizki egindakoa notatxoen bidez zu­zenduz... Beraz, gure lana egin dugu, hondakinak jasotzeaz gain, esan genezake, heziketa lan bat ere egin dugula, eta egindakoagatik oso harro gaudela.
    Baina bukatu da, hoberenean geundenean, bukatu da. Errauskailu zaleek irabazi du­te, errauskailua nahi dutenek, baina ez bere etxe ondoan, nos­ki. Gu bagoaz Astiga­rra­ga­tik; lan­gile batzuk kaleratu­ak izan gara, besteei lan baldintzak al­datu dizkigute... baina egindako lanagatik ha­rro goaz. Azke­nik, agur eta eskerrik asko gure lana erraztu duzuen guztioi, babestu gaituzuenoi, gure lanpostuen alde egin duzuenoi, eta zergatik ez, astigartar guztioi ere.
    Guztion onerako, nahiz eta orain zailxeagoa izan, jarrai ezazue birziklatzen. Erraus­kailu­aren kontrako ekimenetan ikusiko garelakoan, agur. Eta beste hark esaten zuen bezala: «muxu handi handi handia guztiontzat». Aio!

    Xabier Etxarri Balerdi
    Langile guztion partez

Iragarki merkeak

  • Pisu bat erosiko nuke, Kaxkoan edo inguruan, igogailuarekin.

    Telefonoa: 664554437


  • Taxi lizentzia salgai Hernanin, jubilazioagatik.

    Telefonoa: 670012987


  • Tailer mekanikoa salgai Hernanin. Lizentziak indarrean ditu eta makineria guztia prest. Bezero kartera haundia eta errentagarritasun frogagarria.

    Telefonoa: 656709251


  • Iñigo Royo Masajista. Masajea, naturopatia, osteopatia, kinesologia, reiki, homeopatia, akupuntura... (Agustindarren plaza, 4)

    Telefonoa: 943332894


  • Emakumea pertsona helduak egunez edo gauez zaintzeko pronto. Esperiantziaduna eta erreferentziekin.

    Telefonoa: 697866442


  • Esperientziadun andreak lan egingo luke adinekoak zaindu edota lagun egiten eta garbitasunean. Ordutegia: 11:30-17:00.

    Telefonoa: 654122548