2019/01/18
  • JASOTA BEZALA
  • Agin Laburu Rezola
  • ASTIGARRAGA
    2016/09/07 00:00 Asteazkena
  • Bertso berriak, isiltasunari jarriak

  • 1.
    Ke bihurtu danian
    izan zana sua,
    hitz hauek idazteko
    eman det pausua.
    Gelditzia nahi nuke
    bertsotan jasua
    agian errudunik
    ez dun arazua.

    2.
    Abuzutua juan da
    nahi baino lasayo,
    lehenago izan arren
    beste hiru sayo:
    Amabirjin, San Roke
    ta Ergobin “ayo!”.
    Bertsuari auzotan
    zer gertatu zayo?

    3.
    Ez naiz ibili zale
    eskariz eskari,
    baino nola erantzun
    daukadan kezkari?
    Argi utzi nahi nuke
    ez naizela, adi,
    nere buruarentzat
    plaza eske ari.

    4.
    Ezetz esan ziguten
    handik    ta hemendik:
    “jendiak beste zerbait
    nahiago omen dik”.
    Baino Ergobik eta
    Santiagomendik
    bertsoik ez entzutiak
    pena ematen dit.


    5.
    Txiki ikusi ohi du
    antxua baliak.
    Nahiz jendez beteta ez
    espero kaliak,
    guztiok galtzen    degu:
    betiko zaliak,
    noizbehinkakuak eta
    antolatzailiak.


     6.
    Entzun    nahi ez    dunari
    ustezko    arterik
    inoiz etzaio jarri
    lepuan katerik
    beraz, zergatik itxi
    bertsuai aterik,
    ez badio egiten
    inori kalterik?

    7.
    Berdin baserri giro
    edo kalekua,
    maila askotakua
    danez zaletua,
    oraindik badaukala
    jartzen    det lepua
    bertsuak gure plaza
    txikitan lekua.

Iragarki merkeak

  • Taxi lizentzia salgai Hernanin, jubilazioagatik.

    Telefonoa: 670012987


  • Esperientziadun andreak lan egingo luke adinekoak zaindu edota lagun egiten eta garbitasunean. Ordutegia: 11:30-17:00.

    Telefonoa: 654122548


  • Pisu bat erosiko nuke, Kaxkoan edo inguruan, igogailuarekin.

    Telefonoa: 664554437


  • Iñigo Royo Masajista. Masajea, naturopatia, osteopatia, kinesologia, reiki, homeopatia, akupuntura... (Agustindarren plaza, 4)

    Telefonoa: 943332894


  • Tailer mekanikoa salgai Hernanin. Lizentziak indarrean ditu eta makineria guztia prest. Bezero kartera haundia eta errentagarritasun frogagarria.

    Telefonoa: 656709251


  • Emakumea pertsona helduak egunez edo gauez zaintzeko pronto. Esperiantziaduna eta erreferentziekin.

    Telefonoa: 697866442